ZINDAGI JEENE DO HUME BHI

Aankh Ke Aansu Sukh Se Gaye,
Fir Bhi Na Suni Kisi Ne Meri Pukaar,
BITIYA Hoon Toh Kya ?
Santaan Hoon Teri Hi,
Maa-Baba Sunle Meri Guhaar.
Aana Chahu Teri Kutiya Me,
Pana Chahu Tere Pyaar.
Bas Ek Mauka De De Mujhe,
Waada Hai Ye Mera,
Chala Kar Dikhaungi Tera Ghar Sansaar.

Aisi Kya Bebasi ?
Kyun Ho Gaye Itna Lachar ?
Jo Jeene Se Pehle Hi,
Tum Chahte Ho Dena Mujhe Maar..
Durga Laxmi Saraswati Ko,
Tum Kar Jod Karte Ho Namaskar,
Fir Kyun Karte Ho,
Unhi Ke Roop Hum Betiyon Ka Tirashkar ?
Ek Mauka Do Hume Bhi,
Zindagi Jeene Do Hume Bhi,
Karke Dikhayenge Hum Bhi,
Tumhara Sapna Saakar.